Golaha Ammaanka oo ku baaqay inay madaxda Dowlada Federalka iyo Dowlad Goboleedyada kulmaan

Golaha Ammaanka ee Qaramada Midoobay ayaa kulan ka yeeshay arrimaha dalka Soomaaliya iyadoo kulankaasna khudbad loogaga dhagaystay ergayga Qaramada Midoobay James Swan iyo ergayga Midowga Africa Francisco Madeira.

James Swan ayaa ka hadlay horumarka laga sameeyey ansixinta sharciga doorashooyinka iyo hawlgalladii ciidanka ee Shabeellada Hoose iyo qabsashada magaalada Jannaale.

Xubnaha Golaha Ammaanka oo markaasi kadib midmid u hadlay ayaa soo dhoweeyey horumarradaas.

Golaha Ammaanku waxa uu ugu baaqay madaxda dawladda federaalka iyo kuwa maamul goboleedyada inay wada hadlaan.

Dawladda Maraykanka sarkaalka u hadlay ayaa ugu baaqday madaxweyne Maxamed Cabdullaahi Farmaajo inuu qabto kulanka Golaha Amniga Qaranka oo ay ku wada jiraan madaxda federaalka iyo maamul goboleedyada.

Waxaa sidoo kale ay xubno ka mid ah Golaha Ammaanku ka hadleen inay ka walaacsan yihiin in ciidamada amniga meelaha qaarkood sida Gedo loo isticmaalo “xafiiltan siyaasadeed”.

Ergayga Qaramada Midoobay James Swan iyo madaxda kale ee hadashay waxay sidoo kale soo dhoweeyeen kulankii Addis Ababa ku dhexmaray Madaxweyne Farmaajo iyo madaxweynaha Somaliland Muuse Biixi.

0 0 vote
Article Rating


Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x
This website uses cookies and asks your personal data to enhance your browsing experience.