Mareykanka oo duqeyn cusub ka fuliyay Gobolka Shabeellaha Hoose

Wararka ka imaanaya Gobolka Shabeellaha Hoose ayaa sheegaya in shalay gelinkii dambe duqeyn laga fuliyay, iyadoo lagu dilay xubno ka tirsan Al-Shabaab.

Duqeynta ayaa ka dhacday deegaanka Kuunyo-Barow, waxaana lagu dilay labo ka tirsan Al-Shabaab, sida ay shaacisay Wakaalada wararka SONNA.

Sidoo kale wakaaladda SONNA ayaa qortay in howlgalkaas ay iska kaashadeen Ciidamada Kumaandooska Soomaaliya iyo kuwa Mareykanka.

Duqeyntan ayaa ah tii u horeysay ee bishan Ramadan uu Mareykanka fuliyo, iyadoo bilihii la soo dhaafay uu duqeymo is-daba joog ah ka waday Soomaaliya.

Mareykanka ayaa horay duqeymo uga fuliyay Soomaaliya, waxaana dhowaan uu qirtay in qaar ka mid ah duqeymahaas dad rayid ah ku dhinteen.

0 0 vote
Article Rating


Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x
This website uses cookies and asks your personal data to enhance your browsing experience.