Booliska oo war ka soo saaray sarkaal isagoo daroogaysan shacab u goodiyay

Waaxda qaran ee adeegga booliska ayaa barteeda rasmiga ee Twitter-ka ku sheegtay inay ka war heshay muuqaal lagu faafiyay baraha bulshada.

Muuqaalka oo ah ilaa 45 ilbiriqsi ayaa laga dhex arkayaa sarkaal boolis ah oo isagoo hubeysan kuna labbisan dareeska ciidamada u goodinaya qaybo ka mid ah bulshada.

Dadweynaha ayaa la maqlayaa iyagoo canaananaya askariga ka dib markii uu sheegay inuu baaritaan ku sameynayo dad ka ganacsado maandooriyaha xashiishka.

Qoraalka waaxda qaran ee adeegga booliska waxaa ku cad in askariga muuqaalka laga duubay uu daroogeysnaa .

Taliyaha booliska ee ismaamulka Laikipia ayaa lagu amray inuu askariga tallaabo edbin ah ka qaado.

Afhayeenka waaxda qaran ee adeegga booliska Bruno Shioso ayaa habdhaqanka sarkaalka ku tilmaamay mid mas’uuliyad darro laga dheehan karo oo dembi ah salna aan ku lahayn shaqada loo igmaday.

0 0 votes
Article Rating


Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x
This website uses cookies and asks your personal data to enhance your browsing experience.