Maxay ka wada hadleen Ra’iisul Wasaare Rooble iyo Amb. Yamamoto

Safaaradda Mareykanka ee Muqdisho ayaa qoraal kooban ka soo saartay kulankii shalay dhex maray Ra’iisul Wasaare Maxamed Xuseen Rooble iyo Amb. Donald Yamamoto.

Kulankan ayaa looga hadlay xaalada siyaasadeed ee dalka, heshiiska doorashooyinka sidii loo fulin lahaa.

“Waxaa aad ugu faraxsanahay inaan u hambalyeyno Ra’iisul Wasaaraha cusub, xaqiijinta xilka Ra’iisul Wasaare”ayaa lagu yiri qoraal la soo dhigay barta Twitter-ka Safaaradda Mareykanka.

Sidoo kale Safaaradda ayaa caddeysay inay isku afgarteen Ra’iisul Wasaaraha in horay loo sii wado arrimihii horay loo sii waday sida dib u habeynta arrimaha dhaqaalaha, amniga iyo maamul wanaaga.

“Waxaan isku afgaranay ahmiyada ay leedahay in waqtiga doorashada lagu dhaqmo iyo hirgelinta heshiiskii doorashada, maamul wanaaga, iyo sii wadida dib u habeynta dhaqaalaha iyo amniga ayaa lagu yiri”ayaa lagu yiri warka ka soo baxay Mareykanka.

Mareykanka ayaa waxaa uu kamid yahay dalalka taageerada weyn siiya Soomaaliya, sida Amniga, Dhaqaalaha, doorashooyinka iyo dhinaca gargaarka bani’aadanimo.

0 0 vote
Article Rating


Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x
This website uses cookies and asks your personal data to enhance your browsing experience.